BILBOKO ETA NEW YORKEKO GUGGENHEIM MUSEOEN PATRONATUEK EZOHIKO BILERA

Museoaren 25. urteurrena dela eta, Peggy Guggenheim Collection museoaren Aholkularitza Batzordeko kideekin eta Guggenheim Bilbao Museoko Kide Korporatiboekin batzartu dira gaur New Yorkeko eta Bilboko Guggenheim Museoen Patronatuetako ordezkariak. Ezohiko bilera izan da, eta puntu bakarra jorratu dute bertan: “Guggenheim Bilbao Museoaren lehenengo 25 urteen balantzea eta etorkizuneko aukerak”.

Iñigo Urkullu Lehendakaria buru, bileran izan dira Unai Rementeria, Bizkaiko Ahaldun Nagusia eta Fundazioaren Batzorde Betearazlearen Presidentea; J. Tomilson Hill, Solomon R. Guggenheim Foundationen Patronatuaren Presidentea; Juan Mª Aburto, Bilboko Alkatea; eta hiru museoen zuzendariak: Richard Armstrong (New York), Karole Vail (Venezia) eta Juan Ignacio Vidarte (Bilbo).

Bilbon daudela aprobetxatuz, kideak Museoaren 25. urteurrena ospatzeko afarira joango dira gauean, beren ekarpenei esker Museoaren jarduera aurrera eramatea ahalbidetzen duten pertsona, enpresa eta erakundeetako kideekin batera.

Aipatutako bileran Museoak 25 urtez izandako jardueren balantzea berrikusi dute, eta adierazita daude txosten honetan ibilbide horretako mugarririk garrantzitsuenak.

Beste prentsa oharrak

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.