26 martxoa 2020
Guggenheim Bilbao Museoak #GuggenheimBilbaoLive ekimen digitala abiarazi du itxita dagoen bitartean Museoaren alderdi ezezagunenak jendaurrean azaltzeko
Guggenheim Bilbao Museoa itxita dago aldi baterako COVID-19aren zabalkundea oztopatzen laguntzeko. Itxita dagoen bitartean, Museoak #GuggenheimBilbaoLive ekimen digitala garatuko du erakusketei buruzko ikus-entzunezko material berriak eta bere jardunei buruzko alderdi ezezagunak jendaurrean aurkezteko webgunea eta sare sozialak baliatuta.
Hiritarrak etxean dauden bitartean nolabait laguntzeko, inspiratzeko eta entretenitzeko, datozen egunotan eduki berriak argitaratuko ditugu webgunearen GuggenheimBilbaoLive atal berrian; Museoan lan egiten duten pertsonetako batzuk modu isolatuan grabatutako bideoak dira. Gune birtual berri horretan arte arduradunek, zuzendari nagusiak eta bestelako jarduera garrantzitsuetako hainbat kidek museoko Kontserbazio, Hezkuntza eta Interpretazioa, Erakusketen diseinu eta muntaketa nahiz Eraikinaren mantenimendu arloetako errealitatearen gertu-gertuko ikuspegia eskainiko dute datozen egun eta asteetan, itxierak irauten duen bitartean.
Asmoa da, etxean geratu behar dugun egoera zail honek irauten duen bitartean, Museoko pertsonek ahalik eta modu hurbil eta pertsonalean ematea haien lanekin lotutako xehetasunak: zein dute Bildumako artelanik kuttunena eta zergatik edo oraingo erakusketei buruzko pasadizoak eta gorabeherak. Are gehiago, edozein bisitarik egingo lituzkeen galderei erantzungo diete: nola etorri ziren eta nola kokatu zituzten Museo barruan Richard Serraren Denboraren materia osatzen duten eskultura eskergak? Nola antolatzen da erakusketa bat? Nola mantentzen da Frank Gehryk diseinatutako eraikina? Nola kontserbatzen dira artelanak? Zer egiten da erakusketa bat diseinatzeko? Nola bidaiatzen dira artelanak? Zeintzuk dira haurren artelanik gogokoenak?
Proiektua abiarazteko, “Gure erakusketak eta Bilduma” atalaren barruan jarri dira lehenengo bideoak Iberdrolak babesten duen Olafur Eliasson: bizitza errealean erakusketaren harira. Horietan erakusketaren komisario den Lucía Agirrek artistari eta gogokoen dituen artelanei buruzko xehetasunak emango dizkigu. Olafur Eliassonek gogoeta egitera bultzatzen gaitu bere artelanen bidez, zeinak material ezohikoak erabiltzen baitituzte; esaterako, goroldioa, ura, glaziar-izotza, lainoa, argia edo metal islatzaileak. Komisarioak aukeratutako artelanen artean daude Likenezko horma, Edertasuna, Izar-hautsaren partikula eta Glaziarren urtzearen seriea.
Hurrengo egunetan gainontzeko bideoak aktibatzen joango gara kategoria guztiak osatu arte:
- “Gure erakusketak eta Bilduma” atalean jarriko diren bideoei esker Museo barruan itxita geratu diren erakusketa ezberdinetako artelanak argitaratuko ditugu.
- “Museoa familiarentzat” atalean familiartean ezagutu ahal izango dira artelanak eta bideoak ikusi etxeko txikien sormena eta artelanekiko interesa pizteko. Familiei zuzendutako atal honek BBKren babesa du.
- “Gure muntaketen gorabeherak” atalean erakusketetan ikusten ez dena ikusi ahal izango da, protagonisten euren ahotik.
- “Eraikina beti prest” atalean Frank Gehryren eraikina bikain mantentzeko beharrezkoak diren guneak ezagutu ahal izango dira; makina-gelatik hasi eta ezinbestekoak diren beste txoko ezezagunetara.
- “Artea nola zaindu” atalean artelanak kontserbatzeari buruzko azalpenak ematen dira, horixe baita Museoaren egiteko nagusietakoa.
- “Erakusketarik gogoangarrienak” atalean Museoa inauguratu zenetik gurean izandako erakusketarik ezagunenetako batzuk berreskuratu ditugu.
Bideo bat ikusteko, mesedez, klikatu hemen: BIDEOA
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.