25 urria 2017
Guggenheim Bilbao Museoak lankidetza-proiektu berritzailea aurkeztuko du Google Arts & Culture-kin batera
Guggenheim Bilbao Museoak eta Google Arts & Culture-k lankidetza-proiektu bat jarri dute martxan, arte garaikidea eta Museoaren eraikina ezagutu, bizi eta esperimentatzeko modu berriak eskaintzeko helburuarekin; Google Arts & Culturek Museoari bereziki eskainitako webgunea baliatuko da xede hori lortzeko, eta publikorik gazteenarengan berariaz pentsatuta garatu da proiektua.
Orain arte ezagutzera eman ez den lankidetza hori Museoaren XX. Urteurrenaren testuinguruan bultzatu da, eta hilabeteetako lanaren emaitza da: denboraldi horretan, Googleren kultura-adarra den Google Arts & Culturek bere teknologia eskaini du Museoaren erabiltzaileen, bisitarien eta erakundearekin lotura duen edonoren esperientzia berrasmatzeko. Hainbat ekimen egin dira proiektuaren baitan: besteak beste, film labur baten grabaketa eta hari lotutako eduki osagarriak; Museoaren Bildumaren lagin adierazgarri bat; Street View teknologia baliatuz, Museoaren barnetik nahiz kanpotik egindako paseoa, Richard Serraren Denboraren materia lanetik edo publikoari normalki itxitako guneetatik (teilatuak, adibidez). Halaber, lehen aldiz gauzatu dira istorio interaktiboak edo painting tours delakoak, hainbat lanek ezkutatzen dituzten xehetasunak arakatzen dituztenak: James Rosenquist-en Flamenko kapsula; Lenin eta urretxindorra suitea osatzen duten mihiseetako bat, Georg Baselitzena; Anselm Kiefer-en Bi ibaien lurra; edo Sigmar Polke-ren Kathreiner, goizean, zakila tente.
Informazio gehiago nahi izanez gero, begiratu mesedez atxikita bidaltzen dizuegun prentsa oharra.
Erantsita bidaltzen dizuegu ere Guggenheim Bilbao Museoan grabitatea plegatzen film laburraren fotogramak.
BIDEO bat ere eskuragarri duzue.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.