1 otsaila 2021
Guggenheim Bilbao Museoak Richard Serraren Denboraren materia obraren aretoko argiztapena berrituko du, eta horrela amaitutzat emango du bere garapen iraunkorrerako planaren funtsezko proiektuetako bat
Guggenheim Bilbao Museoak Richard Serraren Denboraren materia eskultura-multzoa hartzen duen aretoaren argiztapena berritzeko lanei ekin die. Espazioak 3.000 metro koadroko azalera du eta munduko museo-areto gardenena da. Bertako 300 argi-puntuen ordez, goi-mailako teknologiako LED ekipo berriak jarriko dira, Museorako berariaz diseinatuak, eta horrek erakusketa-espazioen argiztapen integrala aldatzeko anbizio handiko proiektua amaitzea ekarriko du. Egitasmo hori 2017an hasi zen, Museoaren XX. urteurrenean, eta jauzi kualitatiboa planteatzen du eraginkortasun energetikoari dagokionez.
Aretoaren argiztapen berria datozen bi asteetan ezarriko da, Museoa irekita dagoen ordutegian. Hari esker, galeriako elektrizitate-kontsumoa % 93 murriztuko da eta, argi-intentsitatea areagotuko duenez, bisitarien esperientziaren kalitatea ere hobetu egingo du. Gainera, teknologia berriari esker, aretoko sabaian dauden argizuloak irekiko dira, urteetan itxita egon ondoren; izan ere, argiztapen-ekipo berriek argi naturala eta argi artifiziala bateratzeko aukera emango dute, argi artifiziala egokitu egingo delako kanpoko argiaren ezaugarrietara. Sistema berriak beste onura batzuk ere ekarriko ditu: besteak beste, artelanaren kontserbazioa hobetuko du, mantentze-lanak erraztuko ditu eta argiztapena gailu digitalen bidez aldatzeko aukera emango du, zuzenean manipulatu beharrik gabe (baliabideen optimizazio garrantzitsua ekarriko du horrek, aretoko sabaiak 24 metroko altuera baitu). Gainera, urtean 50.000 euro baino gehiago aurreztuko dira areto horretan bakarrik, eta Museoaren iraunkortasun ekonomikoari lagunduko dio horrek.
Oro har, esku-hartze honekin amaitzen den areto guztietako argiztapen-aldaketak Museoaren karbono-aztarna nabarmen murriztea dakar, atmosferara urtean 335 tona CO2 isurtzea saihesten baitu. Aurrerapen hori arlo ekonomikoan ere islatzen da; izan ere, energia-kontsumoa murrizteak urtean 170.000 euro aurreztea ekarriko du.
Argiztapen-proiektua Museoaren ingurumen-arlorako Iraunkortasun planaren barruan sartzen da. Plan horren xedea ingurumenaren gaineko eragina eta jardueraren ondorioz sortzen diren hondakinak murriztea da, garapen iraunkorrean aurrera egiteko.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.