11 urria 2024
Guggenheim Bilbao Museoaren KOSMO proiektua finalisten artean Lovie Awards 2024 sarietan
Guggenheim Bilbao Museoak bere Bildumako artistak modu interaktiboan esploratu ahal izateko ekainean aurkeztu zuen KOSMO tresna digitala Datuak bistaratzeko proiekturik onena kategorian hautatu du epaimahaiak Lovie Awards 2024 sarietan.
KOSMO Museoaren Kide Korporatiboa den La Tempesta enpresarekin lankidetzan garatutako proiektua da Guggenheim Bilbao Museoaren Bilduman ordezkatuta dauden artisten berri emateko eta Museoko funtsei eta egileei buruzko begirada, lotura, zeharkako irakurketa eta hurbilketa berriak eskaintzeko.
Lovie Awards sariak kulturaren eta teknologiaren arloan bikaintasun digitala aitortzeko Europako saririk prestigiotsuenak dira. Epaimahaia Arte eta Zientzia Digitalen Nazioarteko Akademiako (IADAS) kideek osatua da —erakunde horrek kultura eta teknologia digitalean aditu diren 4.000 kide baino gehiago hartzen ditu bere baitan.
Hamalaugarren edizio honetako sari-banaketa datorren azaroan egingo da. Oraingoan, Europako 35 herrialdetako 1.200tik gora proiektu aurkeztu dira.
KOSMO
KOSMO tresna digital berritzailea da, artearen eta teknologiaren elkargunean dagoena. Bere diseinu dinamiko eta irisgarriari esker Guggenheim Bilbao Museoaren Bilduma arakatu daiteke eta bertan ordezkatutako artistak eta haien arteko loturak ezagutu, bai eta Museoaren historian zehar haiek parte hartu duten erakusketak.
KOSMOren merituetako bat da interfaze bakar batean biltzen direla Bildumari buruzko eduki kuratorialak eta hezkuntzari lotutakoak, eta ezaugarri horri esker erabiltzaileek arte garaikidearen ulermenean sakontzeko artelanei buruzko informazioa, horien arteko loturak eta multimedia edukiak esploratu ditzakete. KOSMO Guggenheim Bilbao Museoaren proiektu estrategikoa da, eta web semantikoaren, datu estekatuen (LOD) eta adimen artifizialaren zehazpenen arabera eboluzionatuko du.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.