6 ekaina 2005
Patronatuen bilera
GUGGENHEIM BILBAO MUSEOAREN FUNDAZIOAREN ETA NEW YORK-EKO SOLOMON R. GUGGENHEIM FUNDAZIOAREN PATRONATUEN BILERA
Guggenheim Bilbao Museoaren Fundazioaren patronatuak eta New York-eko Solomon R. Guggenheim Fundazioaren patronatuak gaur goizean batzartu dira Guggenheim Bilbao Museoan. Fundazio bietako patronatuek bilera hau ospatzeako arrazoia, aparteko gertakizuna den Denboraren materia instalazioaren inaugurazioa da. Denboraren Materia Guggenheim Bilbao Museoak orain bi urte bere Richard Serrari Bilduma Propiorako eskatutako instalazioa da, eta Arcelor-ek babesten du.
Serraren eskultura sorta Museoaren Arcelor Aretoan berariaz kokatzeko sortu da, eta Guggenheim Bilbao Museoa ezinbesteko helburu bihurtuko du artista garrantzitsu honen aparteko obra berritzailea sakonean ezagutzeko.
1996ko ekainean Guggenheim Bilbao Museoa Fundazioa eratu zenetik, gaurkoa izan da bere Patronatuak New York-eko Solomon R. Guggenheim Fundazioaren Patronatuarekin izan duen lehenengo baterako bilera. Gaurko topaketa mesedegarria da erakunde bietako organo nagusietako ordezkarien harremanerako. Erakunde bietako alderdi espezifikoen ezagutza ahalbidetuko du, eta baita Fundazio bien artean sortutako lotura emankorra indartu ere.
Ohiz kanpoko baterako bilera ospatu baino lehen, arratsaldeko 13.00etan Museoko 105 aretoan izan dena, Patronatu bakoitzak, aldi berean eta bakoitzak bere aldetik, ohiko bilera ospatu du Erakunde bakoitzeko ordezkarien organo nagusiekin.
Urtero ekainean ohikoa den bezala, Guggenheim Bilbao Museoaren Patronatuak 2005. urteko lehenengo bilera ospatu du. Bertan, Jose Luis Bilbao, Bizkaiko Diputatu Nagusia, izan da buru, eta parte-hartzaileak, besteak beste, Miren Azkarate, Kultur Sailburua, Gurutz Jauregui, gobernu-saileko sailburuordea, Belen Greaves, Bizkaiko kulturako diputatua, baita Juan Ignacio Vidarte Museoaren Zuzendari Orokorra eta bere Arantza Odiaga Idazkari Orokorra ere, 34 enpresen eta Erakundearen Babesleen ordezkariekin batera.
Balantzearen onarpenaren eta aurreko ekitaldiaren emaitzen ondoren egin da Arcelor-en izendapena Fundazioaren Babesle berri bezala. Ohikoa den bezala, Patronatuak oraingo ekitaldiaren lehenengo sei hilabeteetan lortutako emaitzak aztertu ditu, baita urte honetako bigarren seihilabeteko aurreikuspenak ere. Horrez gain, Patronatuetako kideei Museoak hedabideetan izan duen inpaktu ekonomikoaren txostena aurkeztu zaie, eta Babesle bakoitzari 2003-2004 Memoriaren edizioa eta 2005-2008 aldia barne hartzen duen plan estrategiko berriaren edizioa eman zaie.
Ohiko bilera hasi baino lehen, New York-eko Solomon R. Guggenheim Fundazioaren Patronatuko kideek, William Mack buru delarik, Guggenheim Bilbao Museoak bere zortzi urteetan zehar, 1997. urtean inauguratu zenetik, egindako jardueren alderdirik garrantsitsuenak sakonki ezagutzeko aukera izan dute: Erakundearen planteamendu estrategikoa, antolamoldea, jarduerak eta proiektuak. Hori guztia, Juan Ignacio Vidartek, Guggenheim Bilbao Museoaren Zuzendari Orokorrak, eta Jon Azuak, New York-eko Patronatuaren kidea Euskal Erakundeen ordezkaritzan, egindako aurkezpenean.
Alderdi bietako Patronatuen baterako bileraren ondoren, bazkaldu egin zuten.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.