15 maiatza 2017
Seguros Bilbao-k babesletza berritu du Guggenheim Bilbao Museoarekin
Museoaren XX. Urteurrena den honetan, Seguros Bilbaok eta Fundación Jesús Serra-k, Grupo Catalana Occidente taldeko erakundeak biak, Museoaren babesle izateko akordioa berretsi dute beste bost urterako.
Hitzarmen berria gaur sinatu da Guggenheim Bilbao Museoan eta bertan egon dira Iñaki Álvarez, Grupo Catalana Occidenteko Kontseilari Delegatua, José Manuel Ereño, Seguros Bilbaoko Zuzendariondoko Orokorra, eta Juan Ignacio Vidarte, Guggenheim Bilbao Museoko Zuzendari Nagusia.
Akordio honen bitartez, Museoaren kultur jarduera indartuko duen milioi erdi inguruko ekarpena jasoko du erakundeak, eta beste bost urtez luzatuko da Guggenheim Bilbao Museoaren eta Seguros Bilbaoren arteko lankidetza-hitzarmena. Bi erakundeen arteko lotura Museoaren inauguraziotik dator; horrenbestez, elkarlan emankorrak ere bi hamarkada bete dituela ospatuko dugu aurten. Batera antolatutako jarduera eta proiektu ugarien artean, Yoko Ono, Murakami edo %100 Afrika bezalako aldi baterako erakusketa garrantzitsuei emandako babesa nabarmentzekoa da, bai eta 2011 eta 2012an ospatutako Inauteri Jaialdia bezalako jarduera arrakastatsuei emandakoa ere.
Babesletza-hitzarmena berritzeak are gehiago indartzen du 2004tik Grupo Catalana Occidenteren barruan dagoen Seguros Bilbaoren eta Guggenheim Bilbao Museoaren arteko harreman estua, eta lotura hori Fundación Jesús Serraren bitartez bideratuko du orain, hori ere aseguru-taldearen parte baita.
Iñaki Álvarez Grupo Catalana Occidenteko Kontseilari Delegatuarentzat, “Museoa nazioarteko erreferentea da arte garaikideari dagokionez, eta harekin izan dugun babesletza-harreman luzea da erakundearekiko eta haren baloreekiko dugun konpromisoaren erakusgarri. Gaur gauzatu dugun akordioaren berritzeak nahi hori berresten du.”
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.