Berreraikitzea

Artista: Iñaki Gracenea
Teknika: Collagea, pintura eta eskultura
Ikastetxea: Belaskoenea LHI
Maila: 6.a
Arloak eta arloari lotutako gaiak: Ingurunearen Ezaguera
Irakaslea: Lourdes Castelló

Helburua:

Ikasleak kontzientziatzea ingurune hurbilaz eta ingurune hori aldatzeko daukaten gaitasunaz.

Materialak:

Papera, arkatza, tenperak, pintzelak, zurezko piezak, testuradun paperak, kartoi meheak.

Proiektua:

Ikastetxearen kokalekua aztertzen zuten: bai mapei begiratuz eta bai kalean ibiliz.
Inguruneak biztanleen artean atxikimendu-sentimenduak edo axolagabekeria sor ote ditzakeen eztabaidatu zuten.
Auzotarrak gelara hurbildu ziren eta umeei azaldu zieten ingurua nolakoa zen lehen eta nola joan den aldatzen azken 50 urteotan.
Ikasleek ingurua collage batean irudikatu zuten; bertan, gehitzea gustatuko litzaiekeena ere sartu zuten: batek noria bat proposatzen du; beste batek, aldiz, urmaela.
Proposamen bideragarrienak aztertu zituzten, eta erabaki zuten zer-nolako erabilera edo onurak izango lituzketen auzotarrentzat.
Gaur egungo auzoaren maketa bat sortu zuten, eskalan: zerbitzu publikoak, aisialdi-guneak, hiri-altzariak, kirol-instalazioak, zirkulazioa, dendak…
Maketan irudikatu zuten; halaber, auzotarren eguneroko bizitza etorkizunean nola hobetuko litzatekeen azaldu zuten.