Serra/Seurat. Marrazkiak
2022.06.09 - 2022.09.06
Georges Seurat (1859–1891) artista frantsesak, puntillismoaren aitzindari izan zenak, marrazketa goren mailara eramatea eta teknika horretako maisu handien olinpoan sartzea lortu zuen. Haren lanek mirespen handia sortu zuten, bai garaikideen artean, bai ondorengo beste artista batzuen artean ere. Miresle horietako bat Richard Serra estatubatuarra da (1938), zeinaren arabera marrazkia adierazpide autonomo bat den berez, berak prozesu berrien eraginpean jartzen duena eta formatu eta material desberdinekin esperimentatzeko baliatzen duena. Erakusketa honek batera aurkezten ditu bi egile horien paper gaineko marrazkiak, haien balio artistiko handia agerian utziz.
Paper orri bat bezain gauza arrunt eta itxuraz soil batek berebiziko garrantzia hartzen du Seuraten marrazkietan, obra bera nolabait determinatzen duen elementu bihurturik. Artistak barru-barruan sentitzen du materiala, eta hitz eginarazten dio. Euskarriaren ezagutza sakon hori da hain zuzen maisu handiak bereizten dituen ezaugarrietako bat —izan ere, Seuratek ia bizia ematen dio paperari, argiak, bolumenak eta kontrasteak sortzeko behar besteko Conté arkatz-kopurua xurgatzen utziz kasuan-kasuan—.
Era berean, Richard Serrak bere prestakuntza-aldian ikasi zuen materiala dela “prozedura gidatzen [duena]”, “bere forma ezartzen [diola] formari”. 2015ean hasitako Ibilbideak (Ramble Drawings) sailean, euskarriarekin jolasean dabil artista: eskuz egindako paper japoniarra da euskarri hori, eta paperaren zuntz bakoitzak zimurdura desberdinak sortzen ditu, Serrak bere lanean integratzen dituenak. Hala, ez dago marrazki berdinik, egileak lanari ekiteko modua desberdina delako beti, eta ez daudelako bi orri berdin.
Komisarioak: Lucía Agirre, Guggenheim Bilbao Museoko arte-arduraduna, eta Judith Benhamou, komisario independientea eta arte idazlea.
Georges Seurat
Gizona etzanda (Bainua, Asnières’ lanerako estudioa) [L’homme couché (étude pour “Une Baignade, Asnières”)], 1883–84
Conté arkatza paper gainean
24,5 x 31,5 cm
Fondation Beyeler, Riehen/Basel, Sammlung Beyeler
Argazkia: Peter Schibli
Bisita birtuala
Baliabideak
Erakusketa
Georges Seurat
Gizona etzanda (Bainua, Asnières’ lanerako estudioa) [L’homme couché (étude pour “Une Baignade, Asnières”)], 1883–84
Conté arkatza paper gainean
24,5 x 31,5 cm
Fondation Beyeler, Riehen/Basel, Sammlung Beyeler
Argazkia: Peter Schibli
Richard Serra
Ibilbidea 3–54 (Ramble 3-54), 2015
Conté arkatz litografikoa eta pastel-hautsa eskuz egindako
paper gainean
50,2 x 64,1 cm
Artistaren bilduma
Obra © Richard Serra/Artists Rights Society (ARS), New York
Argazkia: Robert McKeever
Georges Seurat
Uretan islatutako zuhaitz-enborrak (Stéphane Mallarméri omenaldia) [Troncs d’arbres se reflétant dans l'eau (Hommage à Stéphane Mallarmé)], 1883-84
Conté arkatza paper gainean
22,7 x 31 cm
Villa Flora, Winterthur; mailegu iraunkorra Hahnloser/Jaeggli Foundationi, Winterthur
Museoan
Ba al
zenekien...?
SERRAREN ETA SEURATEN MARRAZKIETAKO TEKNIKAK ETA PROZEDURAK
Didaktika proiektuaren barruan, Museoak gune didaktikoak, online edukiak eta jarduera bereziak diseinatzen ditu erakusketa bakoitzaren osagarri, eta ikusgai dauden obrak errazago balioesten laguntzen duten tresnak eta baliabideak eskaintzen ditu horrela.
SEURAT ETA ARGIAREN AZTERKETA SISTEMATIKOA
Georges Seurat (Paris, 1859–1891) bere margolan puntillista koloretsuengatik da ezaguna batez ere, baina haren obraren bereizgarri den argiaren tratamendu berritzailea Parisen egin zituen zuri-beltzeko marrazki goiztiarretan ere antzeman daiteke.
