Asmamenaren ildoa
2021.06.11 - 2022.01.16
Asmamenaren ildoak aurkezten dituen obrak umoreak, esperimentazioak, eta jakingurak ezaugarritzen ditu. Pieza hauek 1950eko hamarkadatik gaurdaino sortuak dira ezohiko material eta teknikekin. Denek ere hautsi egiten dituzte konbentzio estetikoak, askotan modu ludiko batean, asmamena eta zolitasuna baliatuz. Erakusketak hainbat belaunalditako artistak biltzen ditu, baliabide desberdinekin lan egiten dutenak, eta Guggenheim Bilbao Museoaren Bildumako oso pieza adierazgarriak hartzen ditu barnean, apenas ikusgai jarriak, oso ezagunak diren beste batzuekin batera. Kultura jasoaren nahiz herrikoiaren elementuak, arruntak nahiz sublimeak, serioak nahiz ironikoak nahasten dira erakusketan, arte ederrek oinarri dituzten hierarkiei desafio eginez.
Baliabideak
Erakusketa
Tradizioari desafio egiten
305 aretoa
Peter Fischli & David Weiss
Gauzen norabidea (Der Lauf der Dinge), 1987
Bideo moduan transferitutako 16 mm-ko film soinuduna, 30 min
Tubacex
© Peter Fischli and David Weiss. Honen eskaintza: Matthew Marks Gallery
Irudikapen moduak
306 aretoa
Alex Katz
Ada irribarrez (Ada Smiles), Irribarreak (Smiles) sailekoa, 1994
Olio-pintura liho gainean
243,8 x 182,9 cm
Guggenheim Bilbao Museoa
Materialak eta metodoak
307 aretoa
Prudencio Irazabal
Titulurik gabea 767. zk. (Sin título #767), 1996
Akrilikoa oihal gainean zurezko panelen gainean
211 x 347,5 x 6,3 cm
Guggenheim Bilbao Museoa
Ba al
zenekien...?
TEKNIKAK ETA ESPERIMENTAZIOA
Didaktika proiektuaren barruan, Museoak gune didaktikoak, online edukiak eta jarduera bereziak diseinatzen ditu erakusketa bakoitzaren osagarri izateko, eta ikusgai dauden obrak balioesten laguntzen duten tresnak eta baliabideak eskaintzen ditu horrela.ZER ETA NOLA
Materialak berrerabiltzea: jakina denez, margoak, pintzelak eta mihiseak erabiltzeaz gain —plastikaren tradizioari lotu ohi zaizkion tresnak denak ere—, gaur egungo artea askotariko bitartekoak, lanabesak eta baliabide teknikoak gehituz joan da mugarik ez duen sormenari bide emateko.MATERIALEN, TEKNIKEN ETA IDEIEN ELKARKETA
Elkarrekin zerikusirik ez duten elementuak taldekatzean datza, sortzeko modu berriak bilatze aldera.SAIL-LANA ESTRATEGIA GISA
Artista batzuek beren obra sail moduan jorratzea aukeratzen dute, lana osatzeari berari gailentzen zaizkion prozesu edo parametro sistematikoei jarraituta.ESPERIMENTAZIOA
Esperimentazio-prozesuak pentsamendu dibergentea bultzatzen laguntzen du. Aukera berriak probatzen hastean datza, askotan jakin ere egin gabe zer gerta daitekeen eta zein izango ote den azken emaitza.