Guggenheim
baselitz

Asmamenaren ildoak aurkezten dituen obrak umoreak, esperimentazioak, eta jakingurak ezaugarritzen ditu. Pieza hauek 1950eko hamarkadatik gaurdaino sortuak dira ezohiko material eta teknikekin. Denek ere hautsi egiten dituzte konbentzio estetikoak, askotan modu ludiko batean, asmamena eta zolitasuna baliatuz. Erakusketak hainbat belaunalditako artistak biltzen ditu, baliabide desberdinekin lan egiten dutenak, eta Guggenheim Bilbao Museoaren Bildumako oso pieza adierazgarriak hartzen ditu barnean, apenas ikusgai jarriak, oso ezagunak diren beste batzuekin batera. Kultura jasoaren nahiz herrikoiaren elementuak, arruntak nahiz sublimeak, serioak nahiz ironikoak nahasten dira erakusketan, arte ederrek oinarri dituzten hierarkiei desafio eginez.

Gaika antolatua, Asmamenaren ildoa hiru ataletan dago egituratua. Bertan, sorkuntza artistikoaren izaera esperimentalari heltzea da asmoa, obra-multzo kohesionatu bat aurkeztuta, artista garaikide adierazgarriek eta Bigarren Mundu Gerraren ondorengo aldikoek sortuak.

Asmamenaren ildoak estilo eta mugimendu desberdinetako artistek egindako obrak aztertzen ditu. Baina hemen ordezkatutako artista denek dute ezaugarri nagusitzat zolitasuna, esperimentazioa eta praktika artistiko oso espezifikoak erabiltzea interesatzen zaizkien gaiei heltzeko orduan. Artelanen arteko elkarrizketa bat sortu nahi izan da, honela ikusleek egileek materialak eta teknikak aukeratzerakoan hartutako funtsezko erabakiak antzemateko aukera izan dezaten eta haien askotariko metodologia artistikoen eta prozesu indibidualen lekukotza jaso dezaten.

Komisarioa: Lekha Hileman Waitoller

Georg Baselitz
Lucian eta Frank aire zabalean (Lucian und Frank Plein-air), Lenin andrea eta urretxindorra (Mrs Lenin and the Nightingale) sailekoa, 2008 |
Hari zuri baten moduko argitzea, Pragari buruzko Kiki-ren ametsa (Hellung als weißer Faden, Kikis Traum von Prag), Lenin andrea eta urretxindorra (Mrs Lenin and the Nightingale) sailekoa, 2008
Olio-pintura mihise gainean
300 x 250 cm bakoitza
Guggenheim Bilbao Museoa
© Georg Baselitz, Bilbo, 2021

Baliabide esklusiboakEgin zaitez Community-ko kide eta gozatu eduki honetaz
Inaugurazio-bisitaldia
Asmamenaren ildoa
Entzuteko gida
Asmamenaren ildoa
Ba al zenekien...?

TEKNIKAK ETA ESPERIMENTAZIOA

Didaktika proiektuaren barruan, Museoak gune didaktikoak, online edukiak eta jarduera bereziak diseinatzen ditu erakusketa bakoitzaren osagarri izateko, eta ikusgai dauden obrak balioesten laguntzen duten tresnak eta baliabideak eskaintzen ditu horrela.
Lortu informazio gehiago

ZER ETA NOLA

Materialak berrerabiltzea: jakina denez, margoak, pintzelak eta mihiseak erabiltzeaz gain —plastikaren tradizioari lotu ohi zaizkion tresnak denak ere—, gaur egungo artea askotariko bitartekoak, lanabesak eta baliabide teknikoak gehituz joan da mugarik ez duen sormenari bide emateko.
Lortu informazio gehiago

MATERIALEN, TEKNIKEN ETA IDEIEN ELKARKETA

Elkarrekin zerikusirik ez duten elementuak taldekatzean datza, sortzeko modu berriak bilatze aldera.
Lortu informazio gehiago

SAIL-LANA ESTRATEGIA GISA

Artista batzuek beren obra sail moduan jorratzea aukeratzen dute, lana osatzeari berari gailentzen zaizkion prozesu edo parametro sistematikoei jarraituta.
Lortu informazio gehiago

ESPERIMENTAZIOA

Esperimentazio-prozesuak pentsamendu dibergentea bultzatzen laguntzen du. Aukera berriak probatzen hastean datza, askotan jakin ere egin gabe zer gerta daitekeen eta zein izango ote den azken emaitza.
Lortu informazio gehiago

ZALANTZAZKO SUPOSIZIOAK

Artearen konbentzioak zalantzan jartzeak ikerketarako eta lanerako eremu zabala eskaintzen die artista garaikideei. Sortze prozesu horren bitartez garatzen da pentsamendu kritiko eta analitikoa
Lortu informazio gehiago