Parisko Musée d’Art Moderne (MAM) eta Guggenheim Bilbao museoek funtsezko hainbat artistaren 70 maisulan inguruko aukeraketa bat aurkezten dute. Sorta horrek MAMen bildumaren historia irudikatzen du, XX. mendeko hastapenetan Parisen sorturiko abangoardia-mugimenduen ikuspegi panoramikoa eskaintzeko xedearekin.

MAM museoa 1937ko Exposition internationale historikoaren haritik eraiki zen, Paris hiriak zituen arte modernoko funtsak biltzeko. Funts horiek handituz joan ziren hurrengo urteetan, Parisko arte-eszenako artista ospetsuenen lanak erosi baitzituzten, eta, 1961. urtean, MAM museo bilakatu zen modu ofizialean. Mezenasek funtsezko papera jokatu zuten proiektuaren garapenean, Maurice Girardin doktoreak bereziki; izan ere, azken horrek 1953an museoari utzi zion legatua bilakatu zen artista fauvista eta kubisten lanak, bai eta Parisko Eskolaren ordezkarienak batzen dituen maisu modernoen bildumaren muina.

Irakurri gehiago

BISITA BIRTUALA

Fauvismotik surrealismora: Parisko Musée d’Art Moderneko maisulanak erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.

HASI

Baliabideak

Erakusketaren aurkezpen-hitzaldia

Baliabide esklusiboakEgin zaitez Community-ko kide eta gozatu eduki honetaz

Entzuteko gida

Fauvismotik surrealismora: Parisko Musée d’Art Moderneko maisulanak

Fauvismoa eta kubismoa: eskandalagarriki modernoak

305. ARETOA

Paris elkargune

306. ARETOA

Surrealismoaren bilakaerak

307. ARETOA

ARTEA ETA TEKNIKA: BIZITZA MODERNOA

Didaktika proiektuaren barruan, Museoak hezkuntza-guneak diseinatu eta jarduerak antolatzen ditu erakusketen osagarri izateko. Horretarako, bai aretoetan bai online, tresnak eta baliabideak eskaintzen ditu ikusgai dauden obrak balioesten eta ulertzen laguntzeko.

Lortu informazio gehiago

APARTEKO BILDUMA BAT: PARISKO MUSÉE D’ART MODERNE (MAM)

1937an Parisen egin zen Arteen eta bizitza modernoari aplikatutako tekniken nazioarteko erakusketaren harira, hiriko udalak arte modernoari eskainitako museo bat sortzea erabaki zuen XX. mendeko mugimendu artistikoak jasoko zituen bilduma bat eratu eta aberasteko.

Lortu informazio gehiago

ELEKTRIZITATEAREN ESPIRITUA

1937ko Arteen eta bizitza modernoari aplikatutako tekniken nazioarteko erakusketaren ardatzetako bat artearen eta teknikaren arteko harremana agerian jartzea izan zen. Compagnie parisienne de distribution d’électricité partzuergoak aginduta, Raoul Dufy artistak Elektrizitatearen eta Argiaren Pabiloiaren barruko dekorazioa egiteko enkargua jaso zuen.

Lortu informazio gehiago

PARIS, ARGIAREN HIRIA

Parisek “argiaren hiria” (Ville lumière) izena hartu zuen XIX. mendearen hasieran, argiteria publikoan gasezko lanparak erabili zituen Europako lehen hiria izan baitzen. Aurrerabide teknologikoak hainbat berrikuntza ekarri zituen berekin, besteak beste, zinema, kaleak eta etxeak elektrizitatez argiztatzea, altzairuaren ekoizpena eta garraiobide berriak.

Lortu informazio gehiago

MUGIMENDUDUN IRUDIAK

XIX. mendearen amaieran agertu ziren mugimendudun aurreneko irudiak Eadweard Muybridgeren zoopraxiskopioari, Thomas Edisonen kinetoskopioari eta, geroago, Lumière anaien zinematografoari esker.

Lortu informazio gehiago

ELEKTRIZITATEA

Elektrizitatea izan zen Man Rayk Elektrizitatea (1931) izeneko fotograbatusailerako aukeratu zuen gaia. Bazenekien ez dela argazki-kamerarik behar fotograma bat egiteko? Zenbait objektu paper fotosentikor gainean jarri eta argi-iturri baten eraginpean ipinitzea nahikoa da irudi negatibo bat sortzeko.

Lortu informazio gehiago

GARRAIOBIDEAK

Industria-iraultzaren eta modernitatearen sinbolo den trenbideak izugarri erraztu zituen Frantziako hiribururako joan-etorriak. XX. mendearen hasieran, Parisko kultur giro biziak mundu osoko artistak erakarri zituen, eta trenez, itsasontziz zein, gerora, hegazkinez iristen ziren hirira.

Lortu informazio gehiago

KOLOREEN TEORIAK

Goetheren Koloreen teoria (1810ean argitaratua) eta Michel-Eugène Chevreulen Koloreen aldibereko kontrastearen legea (1839an argitaratua) lanek eragin handia izan zuten artista-belaunaldi ugaritan. Konturatu zara teoria horiek koloretako biribilen bidez adierazten direla?

Lortu informazio gehiago

MATERIAL BERRIAK

Modernitatearen sinonimoa izan zen altzairua. Arkuzko labe elektrikoa erabiliz lantzen ziren galdaketa-metodo berriei esker lortua, material horrek aplikazio ugari eskaintzen zituen: azpiegituretan, garraiobideetan, makinetan zein tresnerian. Artista askok erakutsi zuten makinen munduarekiko lilura beren koadroetan.

Lortu informazio gehiago

Fauvismotik Surrealismora: Parisko Musée d'Art Moderneko maisulanak

Erakusketaren katalogoak XX. mendeko lehenengo hamarkadetan fauvismoaren, surrealismoaren eta Parisko Eskolaren eskutik Frantziako hiriburuan gertatu zen estilo-eklosio bizia aztertzen du.

Eros ezazu