Lekeitio
Lekeitio, Bizkaia
Lekeitio herri arrantzale polita da Bizkaiko kostaldean, eta ikusi beharreko asko ditu bisitariarentzat.
Lekeitioko alde zaharreko kaleek herriaren ondare artistiko oparoaz gozatzeko aukera eskaintzen dute. Guztien buru, Jasokundeko Andra Maria eliza dotorea. Barruan gordetzen duen urre koloreko erretaula gotikoa aparta da, Estatuko hirugarren handiena. Baina badira eraikin nabarmen gehiago, adibidez, Uriarte, Oxangoiti, Uribarri eta Abaroa.
Ikusi beharrekoak dira, era berean, Isuntza zubia, San Nikolas irla (itsasbeheran oinez joan gaitezke bertaraino) eta Santa Katalina itsasargia. Paisaia paregabea dute hiru leku horiek, Bizkaiko udalerri honen xarmaren indargarri. Isuntza hondartza ere toki gomendagarria da, ibilaldi atsegina egin eta udalerriaren ikuspegiaz gozatzeko.
