Guggenheim Bilbao Museoaren lehentasunezko helburua da erakundeak eskaintzen dituen zerbitzu zein jardueretan parte hartzeko aukera erraztea pertsona guztiei. Horren haritik, informazio-gida hau jarri dugu zure eskura, informazio orokorreko katalogoaren osagarri. Esker onez hartuko ditugu zure ohartarazpen edo iradokizunak.
Desgaitasuna duten pertsonek eta haien laguntzaileek lehentasuna dute, eta beraz, ez da beharrezkoa sarrerak lehenagotik erostea. Desgaitasuna duten pertsonek deskontua eskura dezakete tarifan (ikasleek eta erretiratuek duten beherapena),, txarteldegian dagokion egiaztagiria aurkeztuta. Laguntzailearen presentzia ezinbestekoa bada bisitaldia egin ahal izateko, hori doan sartu ahalko da Museora.
Zalantzak baldin badituzu, galdetu Bezeroentzako Arreta Zerbitzuan aurretik edo bisitaldiaren egunean bertan.
Eraikinaren arkitekturari zein museoko erakusketei buruzko informazioa entzuteko sistema eramangarria, museoa nork bere kontura bisitatzeko. Entzungailu doigarriak eska daitezke. Begizta magnetikoa ere badugu.
Haurrentzako entzuteko gida da 100 zenbakia, haurrek Denboraren materiaezagutzeko kontakizuna. Ezintasun intelektuala duten pertsonentzako eduki irisgarriak eskuragarri daude eraikinari buruz zein kanpoan kokatutako artelanetako batzuei buruz.
aztelaniazko zeinu-hizkuntzan edo azpitituluekin landutako bideo-gidak entzuteko ezintasuna duten pertsonentzat. Halaber, euskaraz, gaztelaniaz, ingelesez, frantsesez, alemanez eta italieraz idatzitako testuak eskuragarri daude. Museoaren kanpoaldea deskribatzen duen entzuteko bisitaldia eskaintzen zaie ikusteko ezintasuna duten pertsonei; horrela, Frank Gehryk diseinatutako eraikina, Jeff Koonsen Puppy artelana eta Louise Bourgeoisen Ama artelana ezagutzeko aukera izango dute.
Ikusmen-urritasuna duten pertsonek ukimenaren bitartez lanak aztertzeko aukera izan dezaten, Puppy eta Ama, Zuhaitz garaia eta begia lanen maketak eta eskaintzen ditu Museoak.
Haur txikiak haur-kotxean edo motxilan eraman nahi izanez gero, jantzitegian eska ditzakezu.
Gurpil-aulkiak eskuragarri ditugu aulkia behar duten bisitariak erosoago egon daitezen. Jantzitegian eska itzazu.
Aulki oso arinak ibilbidearen edozein unetan atseden hartzeko. Jantzitegian eska itzazu.
Gurpil-aulkien erabiltzaileentzako banakako kabinak aurkituko dituzu komun guztietan.
Gainera, pixoihalak aldatzeko lekuak daude lehen solairuan eta 0 solairuan.
Zure ikasgelan ikasle integratuak baldin badituzu, bisitaren aurretik jakinarazi, era horretara, bisitaldia behar horietara egokitzeko aukera izango dugu eta. Bisitak edozein motako beharrak dituzten ikasleei egokitzen zaizkie eta hezkuntza-gune guztiak irisgarriak dira.
Informazioa eta erreserbak astelehenetik ostiralera, 09:00etatik 14:00etara
Behar anitzak dituzten pertsonei zuzendutako bisita gidatuak eskaintzen dira:
Informazioa eta erreserbak astelehenetik ostiralera, 09:00etatik 14:00etara
Museoak ez du bisitarientzako aparkalekurik; nolanahi ere, erraza da bertaratzea, eta tranbiaren bidez museoaren ingururaino iristeko aukera dago.
Zure ibilgailuan etortzea erabakitzen baduzu, udal-aparkalekuak daude inguruetan. Gainera, bertatik hurbil, Euskadi plazan dagoen aparkaleku publikoak ere baditu urritasunak daukatenetzako plazak.
Edonola ere, 94 435 90 80 telefonoan edo email informacion@guggenheim-bilbao.eus helbide elektronikoaren bidez harremanetan jar zaitezke eta zure beharren araberako aukera egokiena jakinaraziko dizugu.
Museo modernoa eta garaikidea izanez, irizpide artistikoei zein kontserbaziokoei jarraitzen diegu halabeharrez. Hori dela eta, gerta liteke argiztapen, seinaleztapen eta distantzia parametroek aretoen barrualdeko erabateko ikusgarritasunean eragitea. Era berean, artelan bakoitzaren ezaugarri bereziek borondate artistiko bati jarraitzen diote eta hori aldaezina da.
