Hermann eta Margrit Rupf Bilduma
2016.11.11 - 2017.04.23
Hermann eta Margrit Rupf Suitzako lehen bildumatzaile pribatuak izan ziren arte abstraktua eta orduko artea haien bildumaren ardatz bihurtzen, bai eta haien irizpide pertsonalen araberako artelanak aukeratzen ere. Erakusketa honetan Rupf Bildumaren 70 lan daude: artearen historian eragin handia izan duten XX. mendearen lehen erdialdeko artisten lanak —bestek beste, Pablo Picasso, Georges Braque, Juan Gris, Fernand Léger, Paul Klee eta Vasily Kandinsky— eta XX. mendearen bigarren erdialdetik gaur egunera ekoitzitako artista garaikideenak; bi multzo horiek elkarrekintzan daude.
Rupf Fundazioa 1954an sortu zuten, bildumaren artapena, irmoketa eta zabalketa ziurtatzeko, eta bilduma bera 1960ko hamarkadaren hasieran Kunstmuseum Bern museora igaro zen gordailuan. Etorkizunean eskuratzeak egiten segi zezaten, Rupftarrek haien ondare guztia eman zioten Fundazioari. Fundazioak azkenaldiko artea biltzen dihardu; hala ere, Hermann eta Margrit Rupfek eskuratutako lan bikainak —bildumaren mamia— aintzat hartzen ditu.
Lehenbiziko aldiz dago bilduma ikusgai Espainian. 1907 eta 2016 artean sortutako artelanen hautaketa zabala egin da agerian ipintzeko Herman eta Margrit Rupf Bildumak ibilbide koherente bat izan duela, bai eta bere garaiko artearen erakusle dela.
Rupftarren bizitzari, bildumagintzari eta mezenas-lanei buruz gehiago jakiteko jo erakusketaren ondoko Didaktika gunera.
Hermann eta Margrit Rupf, Brückfeldstrasse 27 zenbakian, Bernan, 1950ko hamarkadan
Argazkia: © Kurt Blum / Fotostiftung Schweiz
Erakusketa
Pablo Picasso
(Malaga, 1881–Mougins, Frantzia, 1973)
D.-H. Kahnweiler-en erretratua II (Portrait de D.-H. Kahnweiler II), 1957
Litografia
65 x 49 cm
Hermann und Margrit Rupf-Stiftung, Kunstmuseum Bern
© Sucesión Pablo Picasso, VEGAP, Madril, 2016
Pablo Picasso (Malaga, 1881–Mougins, Frantzia, 1973)
Biolina horman zintzilik (Biolina) [Un violon accroché au mur (Le violon)], 1913
Olio-pintura eta harea mihise gainean
65 x 46 cm
Hermann und Margrit Rupf-Stiftung, Kunstmuseum Bern
© Sucesión Pablo Picasso, VEGAP, Madril, 2016
Meret Oppenheim (Berlin, 1913–Basilea, Suitza, 1985)
Aurpegia hodeian (Gesicht in Wolke), 1971
Rugosit eta zura, olio-pinturaz eta ur-margoz pintatua eta bernizatua
39 x 39 x 13 cm
Hermann und Margrit Rupf-Stiftung, Kunstmuseum Bern
© Meret Oppenheim, VEGAP, Bilbo, 2016
Ba al
zenekien...?
BA AL ZENEKIEN...?
Erakusketa osatzeko, Didaktika proiektuaren barruan, Hermann eta Margrit Rupf protagonista dituen gune hau prestatu dugu. Suitzako bikote horrek filosofia irekia zuen garai hartarako eta horri jarraiki XX. mendeko lehen erdialdean arte moderno eta garaikide bilduma gailena eskuratu zuen; fundazio baten baitan, Kunstmuseum Bern-era gordailuan igaro zen bilduma 1954an.