Artez busti programak Museoa bisitatzeko hainbat aukera eskaintzen ditu, taldean edo banaka, eta askotariko tresnekin eta informazio- eta ezagutza-mailekin.
Hezkuntza-eremuek, entzuteko gidek edo hainbat dinamika edo eduki eskaintzen dituzten iraupen ezberdineko bisitaldi gidatuek aldi baterako erakusketak, Guggenheim Bildumak eta eraikinaren arkitektura ezagutarazten dituzte.
Bisitaldi honetan, Museoaren alderdi aipagarrienak ezagutuko dituzu. Aurkezpen-bisitaldia da. Bertan, Museoaren jatorria eta Guggenheim Fundazioaren historia azaltzen dira, eta Museoaren Bildumako zenbait obra aztertzen. Oraingo erakusketen aurkezpen laburra ere egiten da. Gomendagarria da Museora lehen aldiz bazatoz.
Ordutegia: 12:30 lanegunetan, eta 17:00 asteburuetan. Gutxi gorabeherako iraupena: 30 minutu.
Hizkuntzak: asteazken eta ostiraletan, gaztelaniaz; astearte eta ostegunetan, ingelesez; eta igandeetan, euskaraz.
Webgunearen bidez eman daiteke izena, edo zuzenean Informazio-mahaian, beti ere lekurik egonez gero (kopuru mugatua).
Nahitaezkoa da Museorako sarrera erosita edukitzea.
Bisitaldi orokorretan Museoaren alderdi azpimarragarrienak ezagutzeko aukera duzu. Bisitaldi laburretan ikusgai dauden artelan batzuen inguruko azalpenak jasoko dituzu.
Galdetu Informazio-mahaian ordutegi bakoitzean eskaintzen diren gaiei eta hizkuntzei buruz (euskara, gaztelania eta ingelesa).
Ikusgai dauden artelanei buruzko bisitaldi espezializatuak, talde bakoitzaren ezaugarrietara egokitutako edukiez eta informazioaz gozatzeko.
Aukeratu erakusketa zehatz bat edo egin erakusketa bat baino gehiago biltzen dituen ibilbide bat.
Museoko gidari profesionalek eskaintzen dituzte, hainbat hizkuntzatan.
Frank Gehryren eraikinean jendearentzat zabalik ez dauden guneak eta tokiak ezagutu eta, gainera, erakusketak bisitatu nahi dituzu? Hartu parte Museoko gidari profesionalek eskainitako bisitaldi esklusibo honetan.
Sarreraren prezioan entzuteko gida barne dago; sistema horri esker, modu autonomoan bisita daiteke Museoa, eta arkitekturari eta erakusketei buruzko azalpenak entzun daitezke. Egun ezinezkoa denez ekipamendu fisikoa ematea, mugikorrera deskargatu ahal izango duzu entzuteko giden aplikazioa
Didaktika proiektuaren barruan, gune didaktikoak eta jarduera bereziak diseinatzen ditu Museoak erakusketen osagarri dira, bertako obrak ikusten eta ulertzen laguntzeko tresnak eta baliabideak eskainiz.
