Iragandako erakusketa

Artea ikasbide 2022

2022.06.14 - 2022.09.18

Sarrera Baliabideak Artistak Erakusketa Ba al zenekien

Guggenheim Bilbao Museoak erakusketa berri bat aurkezten du udaro, eta haurrak dira bertan ikusgai jartzen diren artelanen egileak. Erakustaldi hori Artea ikasbide ekimenaren azken urratsa da, ikasturtean zehar BBKren babesari esker garatzen den hezkuntza-programa artistikoarena, hain zuzen.

Elssie Ansareo, Ibon Garagarza, Zaloa Ipiña, Nerea Lekuona, Maider López eta Ibon Saénz de Olazagoitia dira lehen hezkuntzako ikasleek 2021–22 ikasturtean zehar abentura honetan bidelagun izan dituzten sei artistak.

Programari esker, ia 140 ikaslek izan dute aukera curriculumeko gaiak ohikoa ez den ikuspegi batetik lantzeko. Gizarte eta Natura Zientziak, Hizkuntza eta Matematika izan dira artearen bidez landutako arloetako batzuk.

Artistek diziplinarteko proiektuak planteatu zituzten hainbat gairi heltzeko, nola diren Ukrainako gerra eta migrazioak, hizkuntzak eta komunikazioa, planetaren zaintza eta etorkizun utopikoa, unibertsoaren edertasuna, eta emakumeek historian izandako rola. Gaurkotasuneko gaiak dira denak, lehen hezkuntzako curriculumarekin lotutakoak gainera.

Hezkuntza-programa horretan galderak egiten dira, jakin-mina pizten da eta bide ematen zaio inprobisazioari, jolasari, esplorazioari, ikerketari eta esperimentazioari. Hala, prozesu horiek pentsatzera, balioestera, aukeratzera, probatzera, zikintzera, zalantza egitera eta dibertitzera bultzatzen dituzte haurrak; zenbaitetan, baita galtzera ere, eta, jakina, huts egitera, hutsegiterik gabe ez baitago aurrerapenik.

Baliabideak

Entzuteko gida

Artea ikasbide 2022

BALIABIDE ESKLUSIBOAKEgin zaitez Community ko kide eduki hau eskuratzeko

Artea ikasbide programaren aurkezpen bideoa

BALIABIDE ESKLUSIBOAKEgin zaitez Community ko kide eduki hau eskuratzeko

Artistak

Ansareo, Elssie LTA 2022

Elssie Ansareo Ikasturte honetan proiektu zoragarri bat garatu dugu Barakaldoko San Vicente de Paúl ikastetxeko ikasleekin batera: Emakumeak artean. Oso leku desberdinetako emakume sortzaileen lanera hurbildu gara, geure gertu- gertukoenetatik...

Garagarza, Ibon LTA 2022

Ibon Garagarza Ikastetxeak dituen ezaugarriengatik, eskola unitarioa baita, a priori bazirudien egin ditudan Artea ikasbide guztietatik zailenetako bat izango zela ikasturte honetakoa. Hala ere, sorpresa atsegina izan da azkenean. “Partekatzea”,...

Ipiña, Zaloa LTA 2022

Zaloa Ipiña Munduko hizkuntzen aniztasunetik euskalkien aberastasunera. Bidaia honetan ikusi dugu harreman estua dagoela euskal kulturaren eta naturaren artean, inauteri ezberdinek agerian uzten duten legez, eta hizkuntza eta geografia uztartzen...

Lekuona, Nerea LTA 2022

Nerea Lekuona Kultura askotako talde batekin lan egitea oso esperientzia aberasgarria izan da. Ikasturteak aurrera egin ahala, gaurkotasun-albisteak izan dira ibilbidea markatu digutenak. Ukrainako gerrak mobilizatu egin gintuen, eta instalazio...

López, Maider LTA 2022

Maider López Tokiak, pertsonak eta esperientziak batzen dituzten lerroak trazatu. Mahaiak urdinez, aulkiak gorriz eta objektuak horiz… Ninbek zioen lerro hori gehiago zeudela urdinak baino. Lana garatzerakoan honako kontu hau mahaigaineratu...

Sáenz de Olazagoitia, Ibon LTA 2022

Ibon Sáenz de Olazagoitia Errealitatea gauzak zaildu nahian tematuta dabilen eta ezkortasunak dena blaitzen duen garai hauetan, etorkizunari modu ameslarian begiratzea pentsatu genuen irudimenezko munduak sortzeko, ikuspegi baikor batetik,...