Guggenheim

Bizi esperientzia paregabea XX. mendeko arkitekturaren obra entzutetsuenetako bat den Guggenheim Bilbao Museo honetan Frank Gehry arkitektoak diseinatu zituen espazioak arakatuz. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).

Zero

1. solairua, ZERO

ZERO aretoan hastea gomendatzen dizugu; gune honek murgiltze-esperientzia aparta eskaintzen du ikusmenezko hizkera eta eszenografia harrigarria baliatuz. ZEROk Atondotik bertatik egiten die ongietorria publiko guztiei: Museoaren historiara eta haren ingurura zentzumenen bidez hurbiltzeko aukera ematen du, baita Frank Gehryren eraikinera eta Guggenheim Bilbao Museoaren Bilduma Iraunkorrera ere. Edukiera mugatua.

Sala ZERO | Guggenheim Bilbao Museoa

Barrualdea

Ataria, 1. 2. eta 3. solairuak

Arakatu Museoaren arkitektura liluragarria haren espazio guztiak ezagutuz, eta ezagutu bertako areto desberdinak. Ibili pasareletan barrena eta begietsi kanpoko ikuspegi ederrak. Hirugarren solairura iristeko, kristalezko igogailuak erabil ditzakezu (edukiera mugatua), edo, bestela, haien ondoko eskailerak, zeinek bigarren eta hirugarren solairuetara baitaramate. Igogailu metalikoak erabilita (edukiera mugatua) edo haien ondoko eskaileretatik jaits zaitezke. Adi solairu bakoitzean dauden zoruko geziei: ibilbidea adieraziko dizute.

Plantas del interior del edificio | Guggenheim Bilbao Museoa

Kokapen zehatzeko obra iraunkorrak

Kanpoaldea

Guggenheim Bilbao Museoaren Bildumaren parte garrantzitsua dira artista garaikideek gauzatutako kokapen zehatzeko obrak, Frank Gehryk diseinatutako eraikinaren bai barrualdeko eta bai kanpoaldeko espazioekin elkarrekintzan landuak. 101. aretoan dago, Atrioaren aldamenean, Jenny Holzerren Bilborako instalazioa (Installation for Bilbao, 1997).

104. aretoan, Richard Serraren Denboraren materia (The Matter of Time, 1994–2005) instalazioa dago. Museoaren kanpoaldean daude ikusgai Louise Bourgeois, Daniel Buren, Anish Kapoor, Yves Klein, Jeff Koons, Fujiko Nakaya eta Yoko Ono artistek landutako kokapen zehatzeko obra iraunkorrak. Deskargatu entzuteko gidak doan mugikorrera eta gozatu bisitaz.

Yves Klein
Su-iturria (Fire Fountain), 1961
Sua
Kokapen zehatzeko neurriak
Guggenheim Bilbao Museoa

Irakurri gehiago
Fuente de fuego | Yves Klein | Guggenheim Bilbao Museoa

Kanpoaldea

1. solairua, terraza

Itsasadarrera ematen duen terrazatik, zeure begiz ikusi ahal izango duzu Museoak nola egiten duen bat hiri-inguruarekin, bai eraikuntzarako erabilitako materialei esker (titanioa, kristala eta kareharria) eta bai inguruko eraikin eta egiturekin duen harremanagatik ere. Ohartuko zara, baita ere, Museoaren kanpoaldea kokaleku paregabea dela obra iraunkorrentzat zein kokapen zehatzeko lanentzat.

Exterior del edificio | Guggenheim Bilbao Museoa

Bilboko hirigintza

Museoaren barrualdea bisitatu ondoren, atera kanpora eta paseatu eraikinaren inguruan. Azken hamarkadetan hirigintza-eraldaketa harrigarria bizi izan du Bilbok. Frank Gehryz gain, asko dira eraldaketa horretan zeresan nabarmena izan duten eraikinak proiektatu dituzten nazioarteko arkitekto entzutetsuak; besteak beste, Santiago Calatrava, Arata Izosaki, Rafael Moneo edo Álvaro Siza.

Ibili Salveko zubiaren azpitik, igaro Zubizuri zubia, eta igo Isozaki dorreen artean dauden eskailerak; hiriaren perspektiba berriak deskubrituko dituzu.

Irakurri gehiago
Exterior del edificio y puente | Guggenheim Bilbao Museoa