Familia-bisitaldia
90 min
Bisitatu Guggenheim Bilbao Museoa familiartean! Haurrentzat berariaz diseinatutako jarduera eta material aukera zabala dakarkigu, denok goza dezazuen Museoaz. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro). Gogoratu ezin direla obrak ukitu eta hobe dela adin txikikoak eskutik helduta eramatea. Eskerrik asko arauak errespetatzeagatik!
Eraikina
1. solairua, Ataria
Frank Gehry arkitektoak diseinatutako eraikinean barrena ibiltzea jolas dibertigarri bilaka daiteke, bai eraikuntza-materialak ezagutzeko (titanioa, kristala, kareharria eta eskaiola), bai Museoaren barrualdea eta kanpoaldea era berean ikusteko aukera ematen duten toki harrigarriak aurkitzeko.
Kokapen zehatzeko obra iraunkorrak
Plaza, terraza
Guggenheim Bilbao Museoaren Bildumaren parte garrantzitsua dira artista garaikideek gauzatutako kokapen zehatzeko obra iraunkorrak, Frank Gehryk diseinatutako eraikinaren bai barrualdeko eta bai kanpoaldeko espazioekin elkarrekintzan landuak.
Ibilbidean zehar, bilatu terrier txakurkume handi bat, armiarma izugarri bat, idi-bihotz sorta erraldoi bat eta altzairuzko suge bat. Obren tamainak harritu egingo zaitu, eta baita haiek sortzeko erabilitako materialek ere.
Yves Klein
Su-iturria (Fire Fountain), 1961
Sua
Kokapen zehatzeko neurriak
Guggenheim Bilbao Museoa
Erakusketak
1. eta 3. solairuak
Museoko erakusketek aukera anitzak ematen dituzte linea, forma eta kolore desberdinak ezagutzeko. Ibil zaitez Richard Serraren Denboraren materia (The Matter of Time,1994–2005) instalazioan barrena, eta egin so eskulturei eta haien forma originalei. Hirugarren solairuan, Vasily Kandinskyren koloreak eta formak izango dituzue zain (305., 306. eta 307. aretoak) maiatzaren erdialdera arte; haren obrei begiratuz, kosako errusiarrak ikusiko dituzu zaldi gainean, baita mendi urdinak, lokomotorrak edo musika-notak ere, irudi geometriko ugarirekin batera.
Richard Serra
Denboraren materia (The Matter of Time), 1994–2005
Altzairu herdoilkorra
Neurri aldakorrak
Guggenheim Bilbao Museoa
Hezkuntza-zerbitzu eta -baliabideak
1. solairua, Informazio-mahaia
Museoak haur eta familientzako online hezkuntza-zerbitzu eta -baliabideak eskaintzen ditu, hala nola Snacks mapa eta haurrentzako gidak, zeinak mugikorrera ere deskargatu ahal izango baitituzu doan, bisitarako. Adibidez, Denboraren materia ezagutzeko prestatutakoa gomendatzen dugu.
Komunak eta haurtxoak aldatzeko tokiak
1. solairua eta sotoa
Museoko solairu guztietan daude komunak. Haurtxoak aldatzeko tokiak, aldiz, lehenengo solairuan eta Museoko sotoan daude. Oraingoz, zerbitzu hori etenda dago.
Beste batzuk
1. solairua, arropazaindegia
Museoko arropazaindegian haurrentzako aulkitxoak eta haurtxoak eramateko motxilak dauzkazue eskuragarri, zuen bisita erosoagoa izan dadin. Oraingoz, zerbitzua etenda dago.
Guggenheim Bilbaoko taberna eta jatetxeak
Bar Guggenheim Bilbao tabernan mokaduak, pintxoak, pastelak eta edariak dituzue eskuragarri, baita eguneko platera ere. Museoak kalitate handiko bi sukaldaritza-esperientzia ere eskaintzen ditu: Nerua Guggenheim Bilbao, goi-mailako sukaldaritzako jatetxea, eta Bistró Guggenheim Bilbao, proposamen informalagoa. Gaur egungo osasun-egoera dela-eta, baliteke zerbitzuan aldaketak egotea.
Beste ibilbide batzuk
Arkitektura
90 min
Bizi esperientzia paregabea XX. mendeko arkitekturaren obra entzutetsuenetako bat den Guggenheim Bilbao Museo honetan Frank Gehry arkitektoak diseinatu zituen espazioak arakatuz. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).
Aldi baterako erakusketak
40–60 min
Arte moderno eta garaikideko zein gaur egungo artearen oinarrien aldi baterako erakusketak biltzen dituen programazio dinamikoa eskaintzen du Guggenheim Bilbao Museoak, eta horrela, nazioarteko artearen ikuskera zabala eskaintzen du artearen historiaren testuinguruan. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).
Bisitaldi Azkarra
45 min
Denbora gutxi badaukazu, aukeratu Museoak gaur eskaintzen dituen arte- eta arkitektura-aukera nagusiak, eta gozatu bisitaz. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).
Egun bat museoan
5 ordu
Bizi esperientzia ahaztezin bat Guggenheim Bilbao Museoko erakusketak eta arkitektura paregabea bisitatuz. Erabili eskura dituzun zerbitzu eta baliabide guztiak, zure bisita ahalik eta gehien osatzeko. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).
Guggenheim bildumak
90 min
Guggenheim Museoetako Bilduma Iraunkorra osatzen dute Solomon R. Guggenheim Fundation-aren lanek (New Yorkeko Solomon R. Guggenheim Museum-eko eta Veneziako Peggy Guggenheim Collection museoko bildumak barne) eta Guggenheim Bilbao Museoaren funtsek. XX. eta XXI. mendeetako arte bisualen perspektiba osatua eskaintzen du obra horien multzoak. Adi zoruko geziei, bidea adieraziko baitizute (norabide bakarrekoa izango da), eta gogoratu segurtasun-distantzia gorde behar duzula, bai artelanekiko (1 metro), bai beste bisitariekiko (2 metro).