Aldi baterako erakusketak
Guggenheim Bilbao Museoak, arte moderno eta garaikideko aldi baterako erakusketa-programazio dinamikoa aurkezteaz gain, egungo artearen oinarrietan sakontzen du, eta artearen historiaren nazioarteko eszenari buruzko ikuspegi zabala eskaintzen du.
Hilma af Klint
Museoaren bigarren solairuan, Hilma af Klint (1862-1944) abstrakzioaren aitzindariari eskainitako erakusketa handi bat dago, eta, bertan, artista suediarraren sail garrantzitsuenak biltzen dira.
Af Klinten obretan bilaketa espirituala agerikoa da, haren garaikide izandako beste artisten lanean bezala, tartean, Piet Mondrian edo Vasily Kandinskyk. Artistak irudikatu zituen gaien artean, bizitzaren etapak, eboluzioa nahiz teosofian, antroposofian eta bestelako korronte filosofiko eta espiritual ezberdinetan inspiratutako beste gai batzuk aurkitzen dira. Zientziak ere interes handia piztu zion Af Klinti, haren lana inspiratzearekin batera. Horrela ikus daiteke partikula atomikoei eskainitako lan sorta batean —202 gelan—. Izan ere gai hori zehatz-mehatz aztertu zuen bere koadernotako askotan.
Koaderno horietako batean —20.000 orrialde baino gehiago bete zituen oharrekin—, artistak bera hil eta 20 urte igaro arte bere lana jendaurrean ez erakusteko nahia adierazi zuen. Modu horretan, hil zenean, aparteko ondarea utzi zuen etorkizunean ezagutzeko.
Hilma af Klint
Hamar nagusiak, Haurtzaroa, Titulurik gabea saila, IV multzoa (De tio största, Barnaåldern, Saknar seriebeteckning, Grupp IV), 1 zk., 1907
Tenpera paper gainean, mihise gainean mutatua
322 x 239 cm
Eskaintza: The Hilma af Klint Foundation, Stockholm, HaK 102
©The Hilma af Klint Foundation, Bilbao 2024
Paul Pfeiffer. Askatasunaren sorrerari buruzko kondairaren hitzaurrea
Paul Pfeiffer. Askatasunaren sorrerari buruzko kondairaren hitzaurrea erakusketan, Paul Pfeifferren (Honolulu, 1966) argazkiak, bideoinstalazioak eta eskulturak biltzen dira. Horietan artistak aztertzen du nola gaur egun kiroletan eta herri-kulturan dauden errituek erlijioaren antza hartzen ari diren (adorazioa, debozioa, gurtza). Erakusketa 105 aretoan hasten da, eta 103 aretoan jarraitzen du.
Haren lanean, Pfeifferrek kirol-ekitaldien edo filmen bideo-sekuentziak aukeratzen ditu eta ondoren digitalki editatzen eta manipulatzen ditu; testuinguru ezagunetan eszena bitxiak sortuz. Esate baterako, Kariatide (2003, 105 aretoa) lanean, Pfeifferrek kirolariak kendu ditu iruditik eta txapelketako trofeoa utzi du bakarrik. Ikurra jendetzaren aurrean flotatzen ari dela dirudi.
Hainbat euskarri erabiliz, formatu ñimiñoetatik pantaila handietaraino, Pfeifferrek esperientzia kolektiboa eraldatzen du banako bisitariarekin topaketa intimoagoa lortzearren. Horrez gain, bere praktikan egin ohi duen bezala, erakusketako instalazioaren elementu batzuk agerian utzi ditu, eta, modu horretan, ezkutuan egon ohi dena bistan dago.
Erakusketak 103 aretoan du jarraipena eta hango gelaurrean eduki osagarria eskaintzen da Didaktika ekimenaren barruan. Didaktika horretan kirol-estadioak esperientzia kolektiboaren sorgune diren aldetik aztertzen dira.
Paul Pfeiffer
Apokalipsiaren lau zaldunak (Four Horsemen of the Apocalypse) (07), 2000/24
Koloretako inprimaketa matea
146,3 x 182,9 cm
© Paul Pfeiffer, Bilbao, 2024.
Artistaren eskaintza; Paula Cooper Gallery, New York; carlier | gebauer, Berlin/Madril; Perrotin; eta Thomas Dane Gallery, Londres
