Guggenheim
Dubuffet

Bigarren Mundu Gerraren amaieran, Jean Dubuffet (1901–1985) bere margolanak ikusgai jartzen hasi zen. Lan haiek aurre egiten zieten garai hartan sakon-sakon errotuta zeuden balio estetikoei, izan ere, artistak arbuiatu egiten zituen egokitasunaren eta edertasun klasikoaren printzipioak, baita trebetasun teknikorako pretentsio oro ere. Aitzitik, Dubuffetek oharkabean doazen eguneroko gauzetan jartzen zuen arreta; bere lanetan material gordinak baliatzen eta gai arruntak jorratzen zituen, eta zerabilen estiloak uko egiten zion heziketa akademikoaren edozein kanpo-zantzuri. Dubuffetek, beraz, aurka egin zien arauei. Haren iritziz, arauek zaildu egiten zuten benetako adierazpena, eta gutxietsi egiten zuten eguneroko esperientzia. Hala ere, artistaren asmoa ez zen soilik konbentzio kulturalak erabat zaharkituta zeudela erakustea: haiek gabe bizitza zeinen bizia den agerian jartzea ere bazuen helburu. Dubuffetek hauxe esan zuen behin: “Jendeak nire lana balio erdeinatuak indarberritzeko ahalegin gisa hartzea nahi nuke, eta [. . .], ez gaizki ulertu, ospakizun bizi-bizi gisa”.

Irakurri gehiago
Baliabide esklusiboakEgin zaitez Community-ko kide eta gozatu eduki honetaz
Entzuteko gida
Jean Dubuffet: ospakizun bizia

Ba al zenekien...?

arte bisualak ikertzeaz gain, Jean Dubuffetek zenbait esperimentu musikal ere egin zituela?

1961eko Esperientzia musikalak lanaren bidez, Jean Dubuffetek zenbait esperimentu egin zituen soinuarekin. Saiakuntza horietan ere, bere obra plastikoan gertatzen zen bezalaxe, artistak erabiltzen zituen material eta tresna zehatzek definitzen zituzten haren sorkuntza-lanak.
Lortu informazio gehiago